Aktivistët pro-rusë në Serbi iu bashkuan protestuesve nacionalistë serbë jashtë godinës së Presidencës këtë javë, gjë që është treguesi më i fundit i rritjes së ndikimit rus në Beograd, shkruan BBC.
Duke brohoritur “jo dorëzim” dhe “tradhti”, ata kërcënuan me trazira nëse Serbia mbështet një plan të BE-së për normalizimin e marrëdhënieve me Kosovën.
Presidenti Aleksandër Vuçiq i denoncoi protestuesit si “anti-serbë”.
Qeveria serbe thotë se nuk besonte se Moska i nxiti protestat, por lufta në Ukrainë i ka rritur tensionet në Beograd. Vuçiç doli në media për të akuzuar organizatorët e protestës si të paguar me paratë e të huajve, dhe u zotua se Serbia nuk do të mposhtet kurrë nga gënjeshtra, kërcënimet dhe disa pushkë.
Ambasadori rus reagoi dhe i dënoi kërcënimet e bëra ndaj liderit serb.
Por pothuajse një vit pas luftës në Ukrainë, është e qartë se Serbia po përpiqet të mbajë lidhjet me Moskën, ndërkohë që po afrohet me BE-në, shkruan BBC. Marrëdhëniet kanë qenë të tensionuara dhe Serbia nuk e njeh Kosovën si shtet të pavarur dhe as 50,000 serbët etnikë që jetojnë atje. Por në fund të këtij muaji, presidenti Vuçiq do të takohet me kryeministrin e Kosovës në Bruksel me SHBA-në dhe BE-në duke shpresuar se ata do të nënshkruajnë një plan paqeje që do ta dërgonte Serbinë më tej në rrugën drejt anëtarësimit në Bashkimin Evropian dhe më tej jashtë orbitës së Rusisë.
